Urdelardero Egunak iragarri du Inauteriak bertan direla

Eguen Gizen da gaur eta Eskoriatzan, urtero legez, Urdelardero Eguna ospatu dute. Jakiekin betetako ziriak esku artean hartu eta kalez kale ibili dira kantuan ikastetxeetako neska-mutikoak. Inauteriak bertan direla iragarri dute horrela.

Kantuan eginda ospatu dute aurten ere Urdelardero Eguna neska-mutikoek. Azken urteotan ez bezala eguraldia lagun izan dute eta 3 eta 7 urte arteko ume mordoa elkartu da kaleetan. Batzuk Aranburuzala aldera jo dute, eta besteak Intxaurtxuetarantz. Zaharren egoitzan ere izan dira. Eta herritarrek pozik hartu dituzte.

Aspaldiko ohitura da txorizo, sagar zein beste jaki batzuk zirian sartu eta kantuan ibiltzea. Sasoi baten galduta ere egon zen, baina ia 40 urte dira umeak kalera ateratzen direla. Hala, ohitura gal ez dadin ahalegina egiten dute ikastetxeek. Eta herritarrek ere eskertu dute ez galtzeko ahalegin hori.

Umeak pozik ibili dira kantuan, eta bukatutakoan, saritxoa izan dute plazan: txistorra mokadutxoa. Halaxe, egin diete Inauteriei ongietorria eskoriatzarrek gaur. Eta zapatura begira daude orain, mozorroak noiz jantziko zain.

Erlazionatuak

Ongietorria egin diete Aratusteei Eskoriatzan

Eskoriatza

Txorizo, sagar eta beste hainbat jakiz betetako ziriak eskuartean hartu eta kantuan jardun dute goizean herriko neska-mutikoek: Urdei lardero, urde...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.