Egubakoitzean 35-59 galdu zuten Alde Zaharrekoen kontra, eta emaitzak partiduan gertatutakoa ondo islatzen duela onartu arren, entrenatzaile eskoriatzarrak badaki bi talde horien arteko aldea ez dela horrenbestekoa: "Txarto hasi ginen [2-10], presio handiegia-edo genuelako ez genuen ezer egin ondo, eta desastre hutsa izan zen, ez ginen partiduan sartu".
Izan ere, atsedenaldian markagailuak 16-31 erakusten zuen: "Saskiratzeetan ez baduzu bakarra asmatzen, baina sikiera defentsan ondo ari bazara...", Baina hori ere ez, ahazteko partidua izan zen.
Hala ere, asteburuko emaitzak aldeko izan zituen Eskoriatzak, eta Lauko Finalean egoteko talde gaztea badute ere, igoera fasean lehiatuko dira.
