Maialen Axpe nabarmendu da Sabadellen, 3.95ko marka eginda

Espainiako Pista Estaliko Txapelketa jokatu dute asteburuan Sabadellen, eta egutegiko hitzordu garrantzitsuenetako batean Arrasatek lau ordezkari izan ditu. Maialen Axpek oso lan txukuna egin zuen, pertikarekin aurtengo marka pertsonal (3.80) onena gainditu 3.95 metroko saltoa eginda laugarren sailkatu zen-eta. Bestalde, klubeko lau atleta gazte Zaragozan izan dira, Gipuzkoa ordezkatzen.

Malen Ruiz de Azuak arazo gehiago izan zituen, teknikoak batez ere. 3.60 metroko saltoaz konformatu behar izan zuen, ez zuen lortu, eta 3.75eko marka gainditzerik; orain hilabete du gazteen Espainiako Txapelketara begira arazo horiek gainditzeko. Jonathan Perezek, berriz, pozik amaitu zuen egindako lanaz, eta 8. sailkatu zen (4.80). Marka hori segituan gainditu zuen, oso erraz, baina ondoren 4.95eko saltoaz galdu samar ibili zela aitortu digu. Eta azkenik, Iñigo Uribarrenek balio gabeko hiru salto egin zituen, korrikaldian neurria hartu ezinka ibili zen-eta.

Kadeteak Gipuzkoarekin Zaragozan
Bestalde, Arrasateko taldeko –Arrasate Atletiko Kanpanzar– lau gazte Zaragozan izan ziren, Gipuzkoa ordezkatzen. Bakarkako probetan podiumaren bueltan ibili ziren, eta errelebotan azkarrenak izan ziren. 60 metrotan Ibai Fernandezek 3. postuan amaitu zuen. Altuerako jauzian, Eneko Carrascal 3. postuan geratu zen 1,66 metroko saltoa eginda. Daniel Martin laugarren izan zen 600 metroko lasterketan (1.31). Marixe Ruiz de Austri erreserban zegoen eta bigarren aukeran, 60 metroko hesi-lasterketan, 4. izan zen (9,80). Gainera, marka pertsonala ondu zuen. 

Erlazionatuak

Eskoriatzako neskak tarte oso txikiaz sailkatu dira igoera faserako

Eskoriatza

Ligako lehenengo zortzi taldeen artean egotea zen Fernando Rasoren nesken helburua, eta egubakoitzeko emaitza txarrak lagundu ez badie ere lortu du...
Gatzagako torneoan, 123 partidu

Leintz Gatzaga

Gaur hasi dute Dorletako Ama Pilota Txapelketa, eta beteranoen partiduak ikusteko aukera egon da goizean Leintz Gatzagako pilotalekuan.
Musakolako kantxa judokez beteta

Arrasate

Goizean judoka gaztetxo mordoa batu da Musakolako kantxan. Gabiriako, Legazpiko, Zumarragako eta Arrasateko gaztetxoek hartu dute esku.
Gazteak nagusitu dira Oñatin jokatutako Urrezko Aizkora txapelketako finalerdian

Oñati

Aitzol Atutxa eta Ugaitz Mugertza gazteek eskuratu dute Oñatin Urrezko Aizkora txapelketako finalerako txartela; aurrez aurre izan dituzte Josemari...
Film on baten moduan, Antzuolak amaierara arte eutsi zion suspentseari

Antzuola

Antzuolak gogotik sufritu zuen zapatuan Vasconia mendean hartzeko. Film on bat izango balitz moduan, aktoreek azken minutura arte eutsi zioten susp...
Aretxabaletako hiru bikote izango dira Emakumeen frontenis txapelketako finalerdietan

Aretxabaleta

Gaur, otsailak 22, jokatu dituzte Emakumeen frontenis txapelketako final-laurdenak Iturrigorri pilotalekuan, eta norgehiagoka bizien ostean Aretxab...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.