Auzokonposta egiten hasiko dira Dorletan, Luis Ezeizan eta Zaharren Egoitzan

Herriko bi puntutan bi proba aitzindari jarriko dituzte martxan; auzokonposta egiten hasiko dira Dorleta auzoko 16 familia eta Luis Ezeiza ikastetxea eta Zaharren Egoitza. Alde batetik, Dorletako herritarrei eskutitza bidali zitzaien galdetzen ea prest egongo liratekeen proiektu honetan parte hartzeko eta 16 familien oniritzia jaso dute. Bestetik, Luis Ezeiza eta Zaharren Egoitza ere ados daude eta Igor Ezpeleta Ingurumen zinegotziak esan digu proiektuak "oso harrera ona" izan duela hasiera batean behintzat.