Bonbardaketaren urteurrenean, elkarretaratzea eta umeendako ikus-entzunezko baten aurkezpena

Egunotan betetzen dira 89 urte abiazio italiarrak eta alemaniarrak, Francoren aginduz, Elgeta bonbardatu zutela. Bonbardaketaren urteurrenean, Elgeta moduan suntsituak izan ziren eta izaten ari diren herriak izango dituzte gogoan. Memoria historikoa txikienei gerturatzeko, berriz, gaztetxoendako egokitutako ikus-entzunezko bat aurkeztuko dute barikuan. Aurrerantzean, Intxortako ibilbide tematikoa ezagutzera etortzen diren eskoletako ikasleendako ere izango da.