Gutxienez, bost saguzar espezie antzeman dituzte Elgetan egindako irteeran

Naturtzaindiko Ion Fontenlak jakinarazi du gutxienez bost saguzar espezieren deiak erregistratu zirela aurreko barikuan egindako irteeran: ferrasaguzar handia, pipistrelo txikia, pipistrelo mediterranearra, kuhl pipistreloa eta leiser gau-saguzarra. "Beste saguzarren dei batzuk ere izan ditugu, baina ezin dira baieztatu, dei gainjarriak egon direlako". Bi saio eskolan eta adin guztietako elgetarrendako irteera bat egin dituzte egunotan herrian.