Juan Ramon Garai: "Oraindik egongo dira lehertu gabeko lehergailuak inguru horretan"

36ko gerrako lau obus lehertarazi zituzten atzo Ertzaintzaren lehergailu teknikariek Elgetan, Karabieta inguruan. Zapatuan aurkitu zituzten lehergailuak Intxorta 1937 kultur elkartekoek, bota berria den pinudi batek hartzen duen lur-eremuan. Ez da lehenengo aldia Karabieta inguruan 36ko gerrako obusak agertzen direla. Uztailean, esaterako, beste bi lehergailu aurkitu ziren eta horiek ere Ertzaintzak lehertu zituen.