"Espero dugu pare bat asteko epean Udalak kontratua etenda edukitzea eta aretoaren erabilera bereganatu izana", esan du alkateak. Udalak exekutatu egingo du alokairudunak hasieran ipinitako 12.000 euroko abala. "Abal horrek ez du egindako zorra erabat kitatuko, baina ikusteko daukagu zein kontzeptugatik den zor hori", esan du Lazkanok.
Hurrengo pausoa litzateke parte hartze prozesu bat zabaltzea herritarrekin batera definitzeko bai Elgetak zein kultura eskaintza behar duen bai kafe antzokiaren proiektua. Udal arduradunen ustez hausnarketa sakona dago egiteko: Zein izan behar da ostalaritza zerbitzuaren eta kultura eskaintzaren arteko harremana? Esleitu behar da ostalaritza zerbitzua eta museoa alde batetik eta kultura eskaintza bestetik? Kultura eskaintza Udalak egin behar du herriko eragileekin batera? Bideragarria da Elgetan aste guztian zabalik dagoen beste taberna bat? "Gure asmoa da pausoak poliki-poliki ematen joatea. Behin eta berriz ikusi dugu herri honetan presaka egindako gauzek azkenean ibilbide motza dutela", esan du alkateak.
Herrixa Dantzan domekan
Antzokia itxita egonda ere Herrixa Dantzan saioek ez dute etenik izango. Domekan egingo dute martxoko saioa, 19:00etan.