Hunkituta jaso dute omenaldia gudariek eta milizianoek

1936ko gerran, fronte euskaldunetan parte hartu zuten 21 gudari eta miliziano daude bizirik gaur egun eta horietako hamalau izan dira Elgetan egin dieten omenaldian. Guztiak 90 urtetik gorakoak dira eta hunkituta jaso dute Iñigo Arregi artista arrasatearrak ekitaldirako sortutako artelana: Egiaren iturria. Atzo izan balitz bezala, askok ondo baino hobeto gogoratzen dute garai hartan jasan behar izan zituztenak, eta pozik zeuden egin dieten aitortzagatik.

Gudari eta milizianoez gain, beste omendu batzuk ere izan dira ekitaldian: errepresioa jasan zuten lau zibilen senideak eta baita alderdi politiko zein sindikatu historikoen ordezkariak ere.

Ekitaldi hunkigarria

Intxortako borrokaldien errekreazioan parte hartu duten eta garaipena eskuratu duten gudariak, omenduen aurrean jarrita eman diote hasiera ekitaldiari. Txalo artean jaso dituzte herriko plazan errekreazioan parte hartu duten gudariak, eta ondoren, bertsoen txanda iritsi da. Bertan memoria historikoa berreskuratzeak daukan garrantzia azpimarratu dute bertsoen bitartez eta poesia bat ere irakurri da. Horren ostean, omenaldia jaso dutenak izan dira protagonista.

Banan-banan banatu dizkiete omenduei Iñigo Arregik egindako eskulturak, eta pozik jaso dituzte. Omenduetako gudari batzuk euren eserlekuetatik altxatu ere egin dira eskultura jasotzerako orduan eta ikus-entzuleek txalo zaparradekin erantzun diete. Omenduak hunkituta egon dira eta baita euren familia artekoak eta herritarrak ere. Negar malkoren bat erori zaionik ere izan da herriko plazan.

Garai latz horiei buruz hitz egiteko ere aprobetxatu dute momentua omendu batzuek, eta gudari izandako aitaita hilda daukaten beste batzuk, berriz, han zueden gudarien eta milizianoen artean, euren aitaitaren batailoiko norbait ezagutzeko gogoz joan dira. Momentu historikoa bizi ahal izan da Elgetan.

Erlazionatuak

Intxortako borrokaldien errekreazioak ikusmina piztu du beste behin

Elgeta

Memoria historikoa berreskuratzeko helburuarekin, hirugarrenez egin da 1936ko urrian eta 1937ko apirilean Intxortan gertatutako borrokaldien errekr...
Erresistenteen Eguna: omenaldia

Elgeta

Omenaldia jaso dute euskal fronteetan borrokatu zuten gudari eta milizianoek eta alderdi politiko zein sindikatu historikoek.
Erresistenteen Eguna: omenaldia (2)

Elgeta

Omenaldia jaso dute domekan euskal fronteetan ibili ziren gudari eta milizianoek. Horietatik 14 Elgetan izan dira.
Erresistenteen Eguna: omenaldia (3)

Elgeta

Omenaldia jaso dute domekan euskal fronteetan ibili ziren gudari eta milizianoek. Horietatik 14 Elgetan izan dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.