Antzuolako Goizper kooperatiba aurrealdean egingo dute irteera neutralizatua, 13:52ean. Aurretik, txirrindularien sinadura unea izango da. Benetako irteera, Bergarako lurretan egingo da, 14:07ean eta Elgetarantz egingo du tropelak lehen kilometroetan. 14:15ean pasako dira lehen aldiz Elgetatik txirrindulariak. Eta handik Asentziorantz joko dute. Angiozarrera, Gorla aldera, gero...; Elosuko gainetik, 15:00etan pasako dira lehen aldiz.
Itzuliaren amaierak eragina izango du trafikoan eta, bereziki, Bergaran hainbat gunetan ezingo da autorik kalean egon. Hori dela-eta, esaterako, beste bi gune egokitu dituzte ibilgailuak aparkatzeko: Ipintza eta San Martin ikastetxeetako patioak. Baina Antzuolan ere izango du eragina goiz eta eguerdi partean, Itzuliaren azken etaparen hasiera dela-eta.
Hemen, Itzuliko antolakuntzatik egin duten aurreikuspena. Tokiak eta orduak:
- 12:36. Goizper. Txirrindularien sinadurak.
- 13:52. Goizper. Irteera neutralizatua.
- 14:15. Elgeta.
- 14:18. Asentzio.
- 14:40. Ola.
- 15:00. Elosuko gaina.
- 15:25. Azkarateko gaina.
- 15:52. Osintxu.
- 16:00. Bolu.
- 16:15. Elosuko gaina.
- 16:36. Azkarate.
- 17:05. Bergarako saihesbidea.
- 17:21. Angiozar.
- 17:26. Asentzio.
- 17:28. Elgeta.
- 17:40. Matxiategi. Helmuga.
- 18:00. Oxirondoko azoka aurrealdea. Sari banaketa ekitaldia.
