Apirilaren 11n Euskal Herriko Itzuliko azken etapa Antzuolatik abiatuko da. 13:52an irtengo da tropela Goizpertik. Hori dela eta, 07:00etatik aurrera ibilgailu partikularrik gabeko guneak izango dira Buztinzuri kalea –Ogi Berri paretik Kalegoira–, Kalebarren, Herriko Plaza eta Antigua –Kalegoitik Ibarreko bidegurutzera, bi aldetan–.
Gainera, Oerlikongo aparkalekuetan ere ezin izango da aparkatu; bai, ordea, Elayn eta Meatz Errekan, goizean zehar aparkatzeko eremu bereziak egokituko baitituzte. Bestalde, Udalak eskaera egin die garajea dutenei, haien ibilgailuak bertan laga ditzaten.
Errepide mozketak ere egingo dituzte. Eguzki auzotik San Blaseraino errail bat moztuta egongo da 11:00etatik aurrera, eta bidegurutzeak etapa hasi baino ordu erdi lehenago moztuko dira, 13:20 inguruan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.