Batetik, ekainaren 29tik uztailaren 6ra Ozaetako Garai-On gunean antolatu dituzte udalekuetako bi; bata 9-12 urte bitartekoentzat, eta bestea 12-14 adin tartekoentzat. Bestetik, kosta ala kosta udaleku ibiltaria ere antolatu dute, Arrasatetik Mutrikura ibilian joango dena, eta 14-18 urte bitartekoek parte hartu ahal izango dute bertan.
Zabalik dago izen ematea dagoeneko, Txatxilipurdiren webgunean zein bulegoan, eta udalekuez gehiago jakiteko informazio guneak ere jarriko dituzte.
