Yaiza Arrizabalaga: "Erraza da beharrezkoa ez den erabilera batean erortzea eta gailuak horrela daude diseinatuta"

Nerabeek mugikorra izate bidean laguntzeko helduentzako gida kaleratu du Izarkomek, Euskal Herriko telekomunikazio operadore kooperatiboak. Mugikorra noiz eman erabakitzerako orduan kontuan hartzea komeni direnak, erabileraren azterketa, arriskuen gaineko hausnarketa... askotariko erpinetatik jorratzen du gidak gaia. Izarkomeko Komunikazio arduradun Yaiza Arrizabalagak eman ditu xehetasunak Goiena telebistako platoan.