Joko maila polita izan da liderren arteko derbian

Amaia Ramirez de Okariz Kortabarria 2023ko azaroaren 28a

Aretxabaletaren eta Bergararen arteko derbia jokatu zen pasa den domekan, ligako hamahirugarren jardunaldian. Denboraldi bikaina egiten dabiltza bi taldeak. Aretxabaletarrak liderrak dira, 30 punturekin, eta hirugarren daude sailkapenean bergararrak, UDA baino hiru puntu gutxiagorekin. Bada, herenegun jokatutako partiduan duten maila erakutsi zuten bi taldeek; golik izan ez zen arren, joko maila polita izan zuten.