Zapatuan jokatu zuten Oñatin, Lehendakari txapelketako azkenengo hitzordua; Oñati Sariaren 36. edizioa. 160 txirrindulari batu ziren irteera puntuan 115 kilometroko ibilbideari ekiteko. Kilometro gutxi falta zirela, Arregiko maldan erritmo aldaketa egin zuen Julen Arriolabengoa Beitia eskoriatzarrak, eta hor lortutako abantailari eutsita lasterketa irabazi zuen.
Halaber, Caja Ruraleko taldekideek egindako lana nabarmendu zuen Arriolabengoak: "Gaur egin dudana egitea ezinezkoa litzateke talderik gabe".
Baque Team taldeko Aimar Erostarbe izan zen lasterketako lehen oñatiarra. Ihes egindakoen artean egon zen ia bukaerara arte, eta berak onartu bezala, "heldu egingo zirela" uste zuen, baina azkenean, lau kilometroren faltan harrapatu egin zituzten eta zortzigarren postuan helmugaratu zen.
2023 ira 16 Oñati
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
