Markel Arriolabengoa eta Iñaki Etxebeste: "Tantai Baso Jabe kooperatiba beste basogintza eredu baten aldeko apustua da"

Hilaren 12an eratu zuten Tantai Baso Jabe kooperatiba. Badira hiru urte proiektuaren berri jaso genuela, eta D2030 egitasmoaren babespean eta Errez kooperatibaren gidaritzapean egin du bidea, besteak beste, egitasmoak. Hiru urteotan makina bat informazio batzar, lanketa eta bilera egin dituzte bultzatzaileek herriz herri. Errez kooperatibako kide Markel Arriolabengoa eta Iñaki Etxebeste buru belarri dabiltza gaiarekin. Argi dute baso kudeaketa tradizionala ez datorrela bat aurrez aurre datozen erronkekin eta beste basogintza eredu baten alde egin behar dela.