Mikel Otero: "Kontsumoa asko murriztuta ere, beste tamaina bateko zentralak beharko ditugu"

EH Bilduko legebiltzarkidea eta trantsizio ekologikorako idazkaria da Mikel Otero, eta 'Hemen Debagoiena' saioan izan da. Haren arabera, "krisi ekologiko orokor bat" dago, eta aurre egin behar zaio, erronka hor dagoelakoan. Besteak beste, Euskal Herriko egoera energetikoa izan du gogoan, lurraldeak kanpokoarekiko duen menpekotasuna "sekulakoa" dela nabarmenduta. Hala, energia berriztagarrietan jarri du arreta, Statkraften eredua ere aipatuta, eta ohartarazi du energia berriztagarri txikien ereduarekin euskal gizartea ez litzatekeela iritsiko egun duen kontsumo kopuruetara.