Paperezko egutegiek badute tokia oraindik

Zaharra kendu eta haren tokian berria jarri. Horixe egingo dute askok urte berria sartzearekin batera. Paretakoak, mahai gainekoak zein poltsikokoak izan erabiltzaile asko dituzte, oraindik ere, paperezko egutegiek. Gure inguruan ere badira horiek prestatzeko lana hartzen dutenak. Sentsibilizazioa eta elkartasuna helburu dituen egutegia egin dute, esaterako, Izan Iñurri elkartekoek. Iker Aizkorbek ateratako argazki bana aukeratu dituzte, berriz, Gipuzkoako Foru Aldundiak eta Conocer Navarra aldizkariak 2023ko egutegirako.