Gaur zortzi, hurrengo martitzenean, izango da Emakumeen Nazioarteko Eguna. Horren bueltan askotariko ekimenak egiteaz gain, egunean bertan manifestazioak egingo dituzte herri ia guztietan bailarako talde feministek deituta.
Euskal Herriko Mugimendu Feministak aurten aukeratu duen leloa honako hau da: Zapaltzen gaituen sistemari sua, antolakuntza feminista gure garra! Eta horren bueltako aldarrikapenak egingo dituzte ibarreko herri gehienetako manifestazioetan martxoaren 8an bertan: Aretxabaletan, 18:00etan; Aramaion 18:30ean; Oñatin, Antzuolan eta Eskoriatzan, 19:00etan; eta Arrasaten eta Bergaran, 19:30ean. Elgetan, elkarretaratzea egingo dute, iluntzean.
Itxura fisikoa
Emakunderen aurtengo kanpainak, bestalde, neskek, eta emakumeek, oro har, euren gorputzen eta itxura fisikoaren gainean jasaten duten gehiegizko presioan jarriko du fokua.