Seigarren olatua gero eta handiagoa Debagoienean, "oso luze" egiten ari den pandemian

Beldurtzekoa da seigarren olatuak eragin duen intzidentzia-tasa Debagoienean –7.488,16koa da dagoeneko– eta, adituek diotenez, urtarril osoan izango du goranzko joera. Asko dira Gabonak konfinatuta edo antigeno probak egiten igaro dituzten debagoiendarrak, eta oraindik zomorroa hartu ez dutenei ere "oso luze" egiten ari zaie pandemia; hori da GOIENAko kameren aurrean erantzutera animatu diren herritarrek adierazi dutena.