Ezohiko irudia utzi du bigarren urtez jarraian Arantzazuko Ama Birjinaren Egunak: jende gutxiago eta ekitaldi edo harrera ofizialik ez, nahiz eta hainbat erakundetako ordezkariak bertaratu diren. Oñatiarren oinezkoen erromesaldirik ere ez da egon, hala ere, zenbaitek ohiturari eutsiz, oinez egin du harako bidea.
Harrera ofizialik ez zaie egin aurten erakundeetako ordezkariei; hala ere, bertan izan dira, besteak beste, Oñatiko udalbatzako zinegotzi jeltzaleak, Eusko Legebiltzarreko presidente Bakartxo Tejeria eta Gipuzkoako diputatu nagusi Markel Olano.
Meza nagusian iaz baino jende gehiago elkartu da edukiera handiagoa izan baitu. Iaz 400 pertsona elkartu ziren, aurten 570 lagunendako lekua egon da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
