Herriz herri ibiltzen da odol emaileen unitate mugikorra, borondatez odola eman nahi dutenak artatzen. Adibidez, hamabostean behin, eguaztenetan, Bergaran izaten dira. Eta eguenetan, berriz, Arrasaten.
Bost minuturo behar izaten da odola edo odolaren osagaiak Euskal Autonomia Erkidegoko ospitaleetan, ebakuntza gehienek eta tratamendu mediko askok transfusioak behar izaten baitituzte.
Baina, pandemiak eraginda, odol-emateetan ere aldaketak etorri dira eta herritarren artean zalantzak sortu dira. Adibidez: eman daiteke odola Koronabirusa gainditu ostean? Erantzuna baiezkoa da. Eman daiteke, baina positibo eman eta 28 egunetara gutxienez. Gainera, gaitza harrapatu dutenen plasma ikertzen ari da Osakidetza.
