Datorren astelehenean hasiko da Debagoieneko Gurutze Gorria egoera zaurgarrian dauden bailarako haurrendako Gabonetako jostailuak banatzen. Segurtasun neurriak bermatuz, Elorregiko egoitzan bertan banatuko dituzte jostailuak. Aurten %40ko igoera izan duela eskaerak azaldu du Elena Ibarrondo boluntarioak eta guztira 278 haurri jostailuak banatuko dizkietela.
Laguntza eskaini dezakete herritarrek oraindik, eta jostailu berriak Elorregiko egoitzara eroan ditzakete; diru ekarpena kontu honetan ere egin daiteke: ES22 3035 0001 51 0010018156 (Laboral Kutxa).
Bestalde, gaur jakinarazi du Gipuzkoako Gurutze Gorriak 1.000 jostailu berri behar dituztela Gipuzkoan egoera zaurgarrian dauden 4.000 haurrek Gabonetan jostailua izan dezaten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.