166 positibo berri EAEn azken 24 ordutan

Atzo, 4.323 PCR proba egin ziren, eta, haietatik, 185 positiboak izan ziren Hego Euskal Herrian. Lurraldeen arabera: 12 Araban, 107 Bizkaian, 46 Gipuzkoan, kasu positibo bat EAEtik kanpo bizi den pertsona batena eta 19 Nafarroan. Ospitaleratzeak, udalerrietako kasuak eta R0 indizea bihar astelehenean eguneratuko dituzte. Osasun Sailak zenbait gomendio ere eman ditu gaur:

Osasun Sailak babes-neurriak hartzearen beharra azpimarratzen du, hala nola maskara erabiltzea, eta eskuak garbitzea. Gainera, herritarrei gogorarazi die transmisio-arriskuko egoerak saihestu behar dituztela, hala nola bilerak, ospakizunak, taldeak eta, oro har, 1,5 metroko gutxieneko segurtasun-distantzia mantentzea ezinezkoa den edozein egoera.

Era berean, gogorarazi du kutsatua egonez gero isolamendu-neurriak behar bezala bete behar direla. Eta COVID 19-arekin lotutako sintomak izanez gero -eztula, eztarriko mina, sukarra, aire faltaren sentsazioa edo usaimena galtzea-, etxean egon behar garela eta telefonoz harremanetan jarri osasun-zentroarekin. 

Ospitaleratzeak, udalerrietako kasuak eta R0 indizea bihar astelehenean eguneratuko dira.

Nafarroan 19 kasu berri

Azken 24 ordutan 82 kasu berri antzeman ditu Nafarroako Osasun sailak; zehazki, atzo baino 19 kasu gehiago. Bost ospitaleratzeren berri ere eman du;  heriotzarik, aldiz,  ez dagoela iragarri du Osasun sailak.

Erlazionatuak

123 positibo berri EAEn azken 24 ordutan

Debagoiena

Atzo, 4.206 PCR proba egin ziren, eta, haietatik, 123 positiboak izan ziren. Lurraldeen arabera: 17 Araban, 66 Bizkaian, 40 Gipuzkoan. Ohartarazi d...
Gaueko aisialdia murrizteko neurriak aztertzen ari da Jaurlaritza

Debagoiena

Nekane Murga  Osasun sailburuak jakinarazi du Eusko Jaurlaritza gaueko aisialdia arautzeko lanean ari dela. "Neurri murriztaileak" zeintzuk iz...
Gaurtik aurrera bi lagunen bisitak jaso ditzakete Gipuzkoako zaharren egoitzetako egoiliarrek

Debagoiena

Foru Aldunditik jakinarazi dutenez, egoitzetako egoiliarren irteeren etena eta eguneko zentroen itxiera abuztuaren 2ra arte mantenduko dituzte. Des...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.