ALBISTEAK programa

Bailarako udalek Foru Funtsetik jasoko duten diru-sarrera %20 murriztuko da

Atzo Eider Mendoza foru bozeramaileak azaldutakoaren arabera, orain arte Gipuzkoako Foru Aldundiak doiketak egin ditu aurrekontuetan, pandemiak eragindako egoerari aurre egiteko. Halere, haren hitzetan, ez dira nahikoa izan eta "beste pausu bat" ematea adostu dute diputatuek. Hain zuzen ere, Udalen Finantzaketarako Foru Funtsa murriztea.

Neurriak eragin zuzena izango du Gipuzkoako udaletan, izan ere, udalen finantzaketaren diru iturri nagusienetarikoa da funtsa. Foru erakundeak egin dituen aurreikuspenen arabera, zerga bilketa orokorra %20 eta %25 artean jaitsiko da aurreko urtearekin alderatuta, eta, ondorioz, Udalen Finantzaketarako Foru Funtsa %20 murriztea erabaki dute diputatuek.

Foru Funtsaren %20ko zuzkidura hori murrizteak, aurreikusita zeuden 536 millioitik, 429 milioi eurotarako murrizketa eragingo du. Hurrengo taulan 2020rako Debagoieneko udalek zuten aurrekontuan neurri berriak izango duen eragina islatzen da. Lehenengo zutabean, aurtengo urterako aurrikusitako diru-sarrerak adierazten dira, eta hurrengoan kopuru horri %20ko murrizketa aplikatuz gero geratzen den zenbatekoa.

UDALERRIA 2020ko aurreikuspena 2020ko maiatza Murrizketaren zenbatekoa
ANTZUOLA 1.540.531,84 1.232.425,47 308.106,37
ARETXABALETA 5.069.358,81 4.055.487,05 1.013.871,76
ELGETA 825.651,35 660.521,08 165.130,27
ESKORIATZA 2.974.181,84 2.379.345,47 594.836,37
ARRASATE 16.003.671,37 12.802.937,10 3.200.734,27
OÑATI 8.251.166,38 6.600.933,10 1.650.233,28
LEINTZ-GATZAGA 238.887,78 191.110,22 47.777,56
BERGARA 10.591.592,99 8.473.274,39 2.118.318,60
Debagoiena GUZTIRA 45.495.042,36 36.396.033,88 9.099.008,48

Bestetik, Aramaioren kasuan, Arabako Foru Aldundiak oraindik ez du publikoki iragarri horrelako neurririk abiatuko duenik.

Apirileko zerga bilketa

Gipuzkoako Foru Aldundiak aurreko urtean baino 273 milioi euro gutxiago bildu ditu dagoeneko, eta apirilean zerga bilketa metatua %24,4 murriztu dela adierazi du. Guztira, 842,3 milioi euro bildu dira eta, ondorioz, 2019an baino 272,7 milioi euro gutxiago batu dira: "Zifrak azaltzen duenez, sarreren arloan izandako beherakada nabarmena da".

Erlazionatuak

Udalen finantzaketarako zerga bilketa murriztuko du Foru Aldundiak

Debagoiena

Gipuzkoako Foru Aldundiko Diputatuen Kontseiluak Udalen Finantzaketarako Foru Funtserako zerga bilketa murriztea onartu du. Iazko urtearekin aldera...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.