Euskal Herriko haurren aldeko txalo zaparrada egingo da domekan 12:00etan, izan ere, ospatzeko eguna dela azaldu dute Oinherriko kideek. Kalera irten ahalko direla ospatzeaz gain ordea, baldintza duinetan egin ahal izatea ere eskatuko dute txaloekin batera.
Haur eta nerabeen jarrera txalotzekoa dela adierazi dute Oinherriko lagunek, eta haurren garapenerako ezinbestekoa dela naturaren presentzia eta kalera irten ahal izatea. “Ez da nahikoa erosektak egitea, korrika egin eta arnasa hartu behar dute”, dio bideoan agertzen den kide batek.
Haurtzaroa ikusgai bihurtzeko manifestua atera zuten Oinherriko kideek eta dagoeneko 400 norbanako baino gehiagok eta 30 eragilek eman dute beren atxikipena. Gainera, Txatxilipurdiko kideek gogorarazi dutenez, oraindik irekita dago manifestuari atxikimendua emateko aukera.
Txalo zaparradan argazkiak ateraz gero, info@herrihezitzailea.eus-era bidaltzeko eskatu du Oinherri talde eragileak.
