Goiena Komunikazio Taldeak ere koronabirusaren aurrean prebentzio neurriak hartu ditu

Koronabirusari aurre egiteko eta gaixotasunaren hedatzea eteteko hainbat neurri hartu dituzte azken egunetan erakunde publikoek. Izan ere, koronabirusaren kasuak gora doaz. Hori dela eta, enpresa asko ere neurriak hartzen ari dira, Goiena Komunikazio Taldea bera horien artean. Aurreko astetik zuzendaritza egunero ari da biltzen. Langileei gomendio orokorrak eman dizkie orain arte baina, gaurtik aurrera neurri espezifikoak ere hartu ditu.