Hala, iPhone mugikorrei dagokienean iOS 8 edo hori baino zaharragoak diren sistemei eragingo die aldaketak. Sistema eragilea eguneratu ezin duten kasuetan, iPhone 1, 2, 3, 4, 5 edo 6 mugikorra dutenek ezingo dute Whatsappa erabiltzen jarraitu.
iPhone ez diren gainontzeko mugikorretan, bestalde, Android Gingerbread 2.3.7 sistema edo hori baino zaharragoak dituzten mugikorrei eragingo die neurri berriak. Bestalde, Windows Phone sistema eragilea daukaten mugikor guztietan 2019ko abenduaren 31a izango da Whatsappak funtzionatzeari utziko dion data.
Gainontzeko mugikorretan, Whatsapp aplikazioak orain arte moduan lan egiten jarraituko du. Whatsappek bere webgunean azaltzen duenez, aplikazioa sistema hauekin da bateragarria:
- Android 4.0.3 sistema eragilea edo horren ondorengoak.
- iPhone iOS 9 edo horren ondorengoak.
- KaiOS 2.5.1 edo horren ondorengo sistema eragilea duten mugikor batzuk, baita JioPhone eta JioPhone 2.
Bestelako aukerak
Whatsapp aplikazioa erabili ezingo dutenek beste aukera batzuk erabili beharko dituzte, hala nola, Telegram, Facebook messenger, Instagrameko mezu pribatuak edota ohiko sms-ak.
