Arrasaten, Ibai Artek antolatutako Merkemerkaua azokak ikusmina piztu zuen herritarrengan. 29 merktarik hartu dute parte eta azken urteotan legez, generoa denda inguruan jarri dute ikusteko zein erosteko. Oraingoan, gainera, Arrasate Musikaleko musikari gaztetxoek girotu dizkiete denda inguru horiek, eta atletismo erakustaldia ere antolatu dute Arrasate Atletiko Taldearekin elkarlanean.
Aretxabaletan, Aretxarte izan da azoka gertatu duena, eta mojen komentuan jarri dituzte postuak sei merkatarik. Horiek ere AZ Gaubelak DJen laguntza izan zuten egubakoitza girotzeko. Bezeroak eskertzeko, gainera, 50 euroko sei bonu eta Aretxabaleta kirol elkarteak emandako bi bazkide txartel zozketatu dituzte.
