Udaberri eta uda sasoiko generoarekin apaindu dituzte kaleak Ibai Arteko merkatariek. Eta herritarrak begiradatxo bat bota eta gustuko zerbait parean suertatuz gero erosteko aprobetxatu dute: "Begiratzera nator eta behar bada erosi ere egingo dut. Merezi du halako azoketan bueltatxo bat emateak, beti topatzen da zerbait eta".
Egubakoitz iluntzean Arrasate Musikaleko ikasleen doinuek girotu zituzten postuak. Zapatu arratsaldean, ostera, atletismo erakustaldia eskaini zuten Biteri plazan Arrasate Atletiko Taldearekin elkarlanean.