Suak San Juan bezperan, udari ondo etorria emateko

Bihar, San Juan Bezperan, suak nonahi egongo dira Debagoieneko hainbat tokitan. Gipuzkoako Foru Aldundiak eta Segurtasun Sailak, suetan tentuz ibiltzeko hainbat gomendio eman dituzte.

Ohiturari jarraipena emanez, San Juan bezperako suak Debagoieneko herri guztietan piztuko dira bihar, ekainak 23. Suak izango dira protagonista herrietako plaza eta auzoetan, eta suarekin kontuz ibiltzeko gomendio batzuk eman dituzte Foru Aldundiak eta Eusko Jaurlaritzako Segurtasun Sailak.

Gipuzkoako Foru Aldundiak emandako gomendioak:

-Ez egin surik sutea hedatzeko arriskua sor dezaketen elementuetatik gertu, hala nola autoak, eraikinak, beirateak, gas hoditeria, argindar lineak, edukiontziak, landaredia, eta abar.
-Suaren ingurua garbi mantendu, hedatzea saihesteko.
-Sua egiteko, ez egin 4 metrotik gorako pilarik.
-Ez piztu surik haizeak gogor jotzen badu.
-Ez erabili likido sukoirik sua pizteko (gasolina, disolbatzaileak, alkohola, eta abar). Horrelakoen ordez, erabili papera edo lasto lehorra sua errazago pizteko.
-Ez erabili pisu arineko erregairik, haizeak mugitu egin baititzake: paperak, oihalak, plastiko txirbilak, konfetiak eta horrelakoak.
-Ez bota sutara edo su ingurura pirotekniako elementurik, ezta esprai, ontzi, lata, pneumatiko, zabor edo plastikorik ere -ke toxikoa eragin dezakete-.
-Itxita eduki sua egiten den lekutik gertu dauden eraikinetako leiho eta balkoiak, txinpartak etxebizitzetara sar ez daitezen.
-Gainbegiratu suaren inguruan egon daitezkeen haurrak; hala ere, sua heldu batek zainduko du beti.
-Utzi segurtasun tartea suaren inguruan, eta kontrolatu jendea gehiegi hurbildu ez dadin eta gainetik salto egin ez dezan.
-Prebentzio neurri gisa, prest eduki su-itzalgailu bat edo mahuka bat.
-Joan aurretik, ziurtatu su geldorik edo txingarrik ez dela geratzen. Estali errautsak hareaz edo lurrez. Zure erantzukizuna da sua ondo itzaltzea.
-Gertakari edo larrialdiren bat gertatuz gero, deitu 112 telefonora (sos deiak).

Erlazionatuak

San Juan sua Zurrategin piztuko da aurten

Antzuola

Kalebarrengo jaiak eta San Juan bezpera eguna elkarrekin ospatuko dira aurten asteburuan. Kalebarrengo jaiak egubakoitzean hasiko dira. San Juan be...
Dena prest San Juan bezperarako

Aretxabaleta

Ekitaldiak arratsaldean hasiko dira eta kaleak Bergarako konpartsak girotuko ditu. Aurten, tantaia igoko duten neska-mutilak berritasunekin datoz, ...
Hiru bat metroko txondorra egingo dute Oñatin

Oñati

Herriko hiru ikastetxeek antolatu dute elkarrekin azken urteetan San Juan sua, baina aurten udalak hartu du antolaketa. Hain zuzen ere, Mikel Biain...
Sanjuanak ospatuko dituzte Azkoagan

Aramaio

Gaur hasi eta astelehenean amaituko dira Azkoagako sanjuanak.
63 laguneko kintada, aurten, tantaia altxatzeko

Eskoriatza

Ekainaren 23an, 2001ean jaiotakoek piztuko dute San Juan sua, eta, horren ondoren, tantaia altxatuko dute. Aspaldian izan ez den bezalako kintada i...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.