Lekuko berri batek jakinarazi du Anboto kobazulora bidean zihoala topo egin zuela Juan Alvarezekin

Elorrioko udaltzain batek eman du abisua. Adierazi du eguenean Anboto kobazulora bidean zihoala 15:15ak inguruan topo egin zuela arrasatearrarekin. Bilaketak ez du etenik izan, goizean ere profesionalak lanean jardun direlako. 15:00etan bilaketa berri bat abiatuko dute Atxondotik; Besaide Mendizale Elkartekoak joango dira, baita Atxondo, Elorrio eta Durangoko mendizale elkartetakoak ere.

Arratsaldean Atxondotik abiatuko den bilaketan adituak ibiliko dira eguenetik desagertuta dagoen Juan Alvarezen bila. Maria Ubarretxena alkateak, goizean egin duten koordinazio bilera bukatu ostean, adierazi du eskertzekoa dela asteburuan boluntarioek eman duten erantzuna, baina ikusi dela gunea "arriskutsua" dela eta profesionalak behar direla bilaketarekin jarraitzeko.

Horregatik, Arrasateko Besaide Mendizale Elkartekoak joango dira arratsaldeko bilaketara, eta deia luzatu diete baita ere Atxondoko, Elorrioko eta Durangoko mendizale elkartetakoei.

Bilaketa, hiru gunetan

Gaur 15:00etan abiatuko da arratsaldeko bilaketa. Hiru gunetan ibiliko dira: Besaideko gunean, Atxondokoan eta Erdi Aroko galtzadan, hau da, Atxondotik Zabalandira joateko bidean.

Erlazionatuak

Haizete arriskuagatik, astelehen goizean erabakiko dituzte Juan Alvarez bilatzeko hurrengo pausoak

Arrasate

Bihar, astelehena, goizeko 10:00etan baloratuko dute zeintzuk izango diren Juan Alvarez topatzeko eman beharreko hurrengo pausoak. Haizeteagatik ab...
Hiru taldetan banatuta ari dira Juan Alvarez bilatzen

Arrasate

Gaur, domeka, 7:30ean ekin diote Juan Alvarez bilatzeko lanei. Iturripetik 250 bat pertsona abiatu dira mendira, eta hiru talde osatu dituzte. Anbo...