Bartzelona izena dauka lan irabazleak, hain zuzen, han atera baitzituen argazki guztiak Santamariak. Reflex argazki kamera jaso du opari, Begira argazki dendako Ane Idigorasen eskutik.
Goienak antolaturiko lehiaketan hamaikagarren edizioa izan da aurtengoa. Bigarren lekuan Asier Atxa aretxabaletarra geratu da eta Orioko Aisia hotelean zirkuitu termala eta bazkaria jasoko ditu. Hirugarrena Isabel Muñoz arrasatearra izan da eta bi lagunendako afaria edo bazkaria irabazi du Gure Ametsa jatetxean.