Aintzane Oiarbide: "Bergara eta Antzuola arteko autobia zatia 2018 urte bukaerarako amaitzea espero dugu"

Bide Azpiegituretako foru diputatu Aintzane Oiarbidek Antzuola eta Bergara arteko errepidean ezponda bat egonkortzeko lanak bisitatu ditu, eta Antzuolako eta Bergarako alkateei obraren inguruko xehetasunak eman dizkie. Bertan azaldu du baita ere espero dutela Antzuola eta Bergara arteko autobia zatia 2018 urte bukaerarako amaitzea.

Beasain-Durango autobiako Antzuola eta Bergara arteko zatian hasitako urgentzizko obretan izan dira Bide Azpiegituretako foru diputatu Aintzane Oiarbide, errepidetako zuzendari Silvia Perez, Bergarako alkate Juanje Alberdi eta Antzuolako alkate Beñardo Kortabarria, eta baita Aldundiko eta obrako zenbait teknikari ere, lanak nola doazen ikusten.

Orain dela urtebete Antzuola eta Bergara arteko lanetan lur erauzketa ia bukatuta zegoela haustura orokorra gertatu zen luizi baten ondorioz, eta foru ordezkariek erabaki zuten gune hori egonkortzeko eta konpontzeko lanak lehenbailehen egitea, gainerako lanekin batera egiteko utzi beharrean. Hauxe adierazi du Bide Azpiegituretako foru diputatu Aintzane Oiarbidek: "Tramu guztiaren proiektu berriaren zain egon beharrean, hori martxan jarri behar izan dugu, batez ere segurtasunagatik, baina ezponda horrek zerikusia dauka tramo berri horretan".

Lanen epeak

Abuztuan hasi zituzten urgentzizko lan horiek eta sei hilabetera amaituta egotea espero dute.

Bestalde, Oiarbidek adierazi du Antzuola eta Bergara artean egiteko dagoen zatiaren idazkera fasea esleituta eta abian dela eta espero dutela 2018 urte bukaera alderako amaitzea.

Diputazioaren lehentasunetako bat

Gaineratu du Diputazioaren lehentasun bat dela Antzuola eta Bergara arteko obra amaitzea eta Gipuzkoako Biribilgunea deiturikoari bukaera ematea behar bezala.

Antzuolako eta Bergarako alkateek lanok bertatik bertara ikusi dituzte eta azaldu dute eurak ere deseatzen daudela obra horiek bukatuta ikusteko.

Erlazionatuak

Antzuola-Bergara errepideko ezpondetako bat konpontzeko lanak uztailean hasiko dira

Antzuola Bergara

Gipuzkoako Diputatuen Kontseiluak lanok egitea onartu du eta esleipena 3.280.481 eurokoa izango da. Uztailean lirateke hastekoak lanak eta sei...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.