Foru Aldundiak Larrialdietarako Plana aktibatu du

Eguraldi kaskarrak sor ditzakeen arrisku egoerei aurre egiteko prest egoteko Larrialdietarako Foru Plana aktibatu du Aldundiak. Asteburu osoan euri-jasak, elur mailaren jaitsiera eta itsaso zakarra iragarri du Euskal Meteorologia Agentziak eta dagoeneko ikus daitezke zenbait ondorio. Suhiltzaileen zerbitzua indartu du Aldundiak eta edozein momentutan esku-hartzeko prestatzen ari dira.

Azken orduotako euriteen ondorioz, Gipuzkoako hainbat ibaik gainezka egin dute eta beste batzuk egiteko zorian daude. Horrekin batera, itsasoaren egoera ere arriskuak sor ditzake kostaldeko herrietan eta errepideetan. Larrialdi egoera horiek sor ditzaketen arazoei aurre egiteko Larrialdietarako Foru Plana aktibatu du Gipuzkoako Foru Aldundiak.

Egoera horren aurrean hartu diren neurriak honakoak dira: Bai Esan zerbitzua pertsonal gehiagorekin indartu da eta suhiltzaile-parkeetan larraldietarako prestatu dira; elur palak prest dituzte eta txandaz kanpoko efektiboak ere alertan daude edozein esku-hartzerako prest.

Ibaien egoerari dagokionez, Debako arroa alerta gorrian dago Oñatin; alerta laranjan, San Prudentzion; eta alerta laranjatik gertu ere Altzolan. Oriako arroa alerta horian dago Lasarten, eta Urumearen ur maila ere alerta horira iristen ari da.

Gipuzkoako Larrialdietarako Foru Plana EAEko Segurtasun Sailaren Uholde Larrialdietarako Plan Berezian integratuta dago. Segurtasun Sailak 2. egoeran aktibatu du plan hori eta, beraz, Foru Plana eta udal guztien planak ere aktibatuta gelditzen dira.

Euriteetako aholkuak

Plan Berezi horrek hainbat aholku ematen ditu euri-jasak gertatzen direnerako, ondorio txarrak saihesteko
edo ahalik eta gehien murrizteko.

Prebentziorako neurriak:

  • Ez ibilgailurik utzi ez eta kanpin egin ibilgu lehorretan edo ibaien ertzetan. Gerta liteke urak bat-batean gora edo gainezka egitea.
  • Kendu ibilgailuak ur-putzuak sor daitezkeen inguruetatik eta urpetu daitezkeen garajeetatik.
  • Ahal baduzu, ez hartu autoa.
  • Bidaiatu beharra baduzu, ahal duzula, ibili errepide nagusi eta autobideetatik, eta ikusi ezinik bazabiltza, gelditu leku segururen batean.
  • Erretiratu urak eramateko moduko gauza guztiak, batez ere, kutsadura eragin dezaketen produktu arriskutsuak.
  • Begiratu inguruko hustubideak ondo dauden.
  • Larrialdietan hartu beharreko neurriak:
  • Urrundu erreka, uhar, zubi edo urpean gera daitezkeen lekuetatik, eta ez saiatu urak hartutako lekuetatik pasatzen, ez autoz ez oinez: urak indar handia dauka eta eraman egin zaitzake. Ura dela-eta autoa errepidean ez aurrera ez atzera geratzen bazaizu, itzali argiak eta irten autotik.
  • Mendi-magaletatik eta muino-magaletatik urrun egon; ura, harriak eta lohia amil daitezke-eta.
  • Ura etxebizitzara sartuko balitz, alde soto eta behe-solairuetatik albait azkarren.
  • Etxea utzi beharra badaukazu, itzali argindarra eta itxi gasa eta ura. Gainera, utzi ohar bat ostatua non hartuko duzun adierazteko.
  • Jo leku altuenetara; saihestu urpean gera daitezkeen lekuak.
  • Jakinaren gainean egon beti, irratiz edo bestela, jakiteko egoera zertan den eta eguraldiaren iragarpenak zer dioen.

 

Erlazionatuak

Osintxuko parrokoak susto galanta hartu du

Bergara

Osintxun, bertako parrokoa, Karlos Ostolaza, autotik atera behar izan dute bizilagunek. Ibaia hazita zetorrela ikusita, ibai ertzean aparkatuta zeg...
Hiru zauritu bi autoren arteko istripuan, Elorregin

Arrasate Bergara

Ertzaintzak jakinarazi duenez, bi autoren artean istripua izan da Elorregin, Bergaratik Arrasaterako noranzkoan. 20:35ean izan da ezbeharra, Rover ...
Arrasate eta Aretxabaleta arteko errepide zaharra itxita dago

Aretxabaleta Arrasate

Ibaiak gainezka egin du eta errepideko tarte baten, bi erreiak ia estali ditu. Udaltzaingotik aurreratu dutenez, litekeena da gau osoa itxita egote...
Bergarako Ibaiondo kalean garajeetara sartzen hasi da ura

Bergara

Euriak etenik barik diharduenez, errekak hazi eta hazi daude, eta Deba ibaiak, esaterako, gainezka egin du Osintxun, Elorregin, Ibarran eta Ibaiond...
Aramaioko udaletxeko arkupeetara ere iritsi da ura

Aramaio

Aramaiotik jaso berri ditugun argazkiok erakusten duten moduan, Aramaioko udaletxeko arkupeetara ere sartu da ura. Sarreran putzu handia sortu da.
Epelen bidegorria itxi egin dute "zona hori nahiko erraz inundatzen" delako

Arrasate

Epele inguruan bidegorria ixtea erabaki du Arrasateko Udalak, "zona hori nahiko erraz inundatzen" delako. Bestela, arrisku gehien izaten den herrik...
Eskola kirola bertan behera

Debagoiena

Gipuzkoako Foru Aldundiak aginduta, asteburu hontako eskola kiroleko ekintzak bertan behera gertau dira, iragarrita dagoen denboralea dela eta.
Ibaiak hazita, euritearen ondorioz

Debagoiena

Araotzeko presa, Deba erreka Aretxabaletako sarreran edo Elorregi auzoan... ageri dira argazkitan. Baita Oñatiko Urrexolako Errota ere; "lar...
Oñatiko Usako, ikusgarri

Oñati

Azken orduetan eten barik ari du euria eta atzo, eguena, izandako tenperatura jaitsierak goietako elurrak urtu ditu. Batek eta besteak erreka eta...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.