Eskubaloiko epaileek topaketa egin zuten atzo Oñatin

Xabier Iñurrieta, Mikel Mantxola eta Jonathan Vaz epaileak.

Eskubaloiko taldeek denboraldi-aurreak egiten dituzten moduan, partiduetan legea aplikatzen duten epaileek ere lan saioak egiten dituzte. Atzo Oñatin elkartu ziren 90 bat epaile. Eskola kiroletik hasi eta Asobal mailara arte epaileak egon ziren Euskal Herriko Eskubaloi Federazioak antolatutako lan saioan.

Goizean goiz, korrika harrapatu genituen. Baina, zer helbururekin?: "Batez ere, norbera fisikoki nola dagoen ikusteko. Era berean, proba hauetan minimo batzuk gainditu behar dira norberak duen mailatik gora egiteko", esan zuen teknifikazio saioan parte hartu zuen Mikel Mantxola epaile oñatiarrak.
Oñatiko saioan minimoa gainditu ez zutenek beste aukera batzuk izango dituzte denboraldian zehar. "Minimoa egiten ez duenak, maila mantentzen du. Gora igo gura badu, berriro egin beharko ditu probak", esan zuen Mantxolak.
Oñatin ospatu zuten teknifikazio proba, gune estrategikoa delako. "Udalak kiroldegia eta Santa Ana uzten dizkigu eta gainera Gasteiz, Bilbo eta Donostia aldetik datozenendako erdi-bidean dago", esan zuten antolatzaileek.


Debagoieneko hiru epaile


Kanpotik joandakoekin batera, Debagoieneko hiru ordezkarik parte hartu zuten probatan: Xabier Iñurrieta eta Jontahan Vaz bergararrek eta Mikel Mantxola oñatiarrak. Eurekin batera egon ziren eskola kiroletik hasi eta Asobal mailara artekoak. Tartean, Ford Mugarriren partiduak epaitzen dituztenak ere.

Erlazionatuak

Dorletako Ama saria Zegama eta Iruñara joan da aurten

Leintz Gatzaga

Intxausti eta Eliztegi bikotea gazte mailan eta Lopez eta Okinena bikotea senior mailan izan dira Dorleta Ama pilotako sariko irabazleak.
Aloñak galdu egin du Agirreren omenezko partidua

Oñati

Igor Serranoren taldeak 0-1 galdu du Laudioren kontra. Denboraldi-aurreko azken partidua izan da oñatiarrendako.
Bergarak irabazi du Arrasate Hiria txapelketa

Arrasate Bergara

Mahoneroek Mondra menderatu zuten (1-0) eta Elorrioaren kontra husna berdindu. Hori horrela, lau punturekin Arrasateko txapelketa irabazi zuten. El...
Xuban Errazkin nagusi Oñatiko helmugan

Oñati

Junior eta bigarren urteko kadete mailetako 56. Mikel Deuna Saria esprintean erabaki zen. Xabier Contreras (Limousin), Thomas Cabanel (Castelsarras...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.