Bergaran eta Oñatin apirilean jarriko dute atez atekoa, hori da behintzat Mankomunitatearen asmoa

Bi herri horietan atez ateko sistema ezarri aurretik baina, fase berri bati ekingo diote: parte-hartze prozesu berri bat jarriko dute martxan erdiguneko bizilagunendako. Bertan, orain arte egindakoari buruzko informazioa emango diete herritarrei eta euren proposamenak jasoko dituzte. Leintz Gatzagan, berriz, udaberritik aurrera sortzen duten organiko guztia herrian bertan kudeatuko dutela ere azaldu dute Mankomunitatetik.