Goizeko 11:00etan hasi dira lehen parte-hartzaileak kanpandorrera igotzen, eta handik behera, segurtasun neurri guztiak hartuta, 30 metro baino gehiagoko altuera eta 60 metroko luzera duen tirolinan behera egin dute. Zintzilik Emozioen Laborategiko kideak arduratu dira segurtasun guztia bermatzeaz. Tirolinaren inklinazioak eta altuerak ikusmina sortu dute bertaratu direnen artean. Eta gazteek urduritasunez baina emozio handiarekin bizi izan dute esperientzia.
Antolatzaileek nabarmendu dute helburua ez dela soilik adrenalina bizitzea, baizik eta gazteei beldurrak gainditzen laguntzea eta esperientzia dibertigarri bat eskaintzea.
