Euskal Herriko zortzi errekortadorek ikuskizun komikoa eskaini zuten atzo arratsaldean zezen-plazan. Maisuki ibili ziren animalien gainetik saltoak egiten, nahiz zabuekin eta bestelakoekin jolasean erakustaldia egiten. Urteak ziren Bergaran ez zutela halakorik egiten; duela bi urte errekuperatu zuten formatua, eta segida eman diote orduz geroztik.
Etxekoak ziren zortzi errekortadoreetatik bost: Unai Arana Xurra, Jon Maiztegi eta Anartz Almortza, bergararrak; Blas Cruz, Bergaran bizi den arrasatearra; eta Ander Martinez Txino, aretxabaletarra.
Zezen-plazan batutakoek berotuta eta abanikoak eskuetan, baina gustura jarraitu zituzten haien abilezia-ariketak. Gazteak ziren ikusle asko eta asko, eta aktiboki parte hartu zuten ikuskizunean, zezenak xaxatuz eta errekortadoreak txalotuz. Arratsalde dibertigarria igaro zuten, duda barik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.