Aste honetan hasiko dira Bergarako Pentekosteak, eta oraindik ez dago argi BMSk azken urteetan Herriko Plazan jarri izan duen txosnarekin zer gertatuko den. Herriko Plaza obretan dago, eta, BMSren nahia, "hasieratik" txosna Oxirondoko jai gunean jartzea bazen ere, Udalak aukera hori "ukatu" egin ziela adierazi zuten. Horren ostean, txosna Irala kalean eta Munibe plazan jartzeko saiakera egin dute, eta jaiak hasteko "10 egunen faltan" azken leku horretan jartzeko "ezezkoa" jaso zutela salatu zuten egubakoitzean: "Udalaren esanetan, Munibe plaza ez da txosna jartzeko eremu egokia arrazoi teknikoak direla eta".
Hala ere, "baimenik izan gabe ere" txosna jarriko dutela iragarri dute. Eguenean izango da hori, eta egitaraua prestatu dute "Debekua kendu, Bergarako txosnak danontzat" lelopean.
Egueneko egitaraua
- 16:30 Txosnaren muntaia
- 19:00 Elkarretaratzea
- Ostean, kontzertua
Pentekosteetako jai-egunetako egitaraua hemen ikusi daiteke.
