BMSk azaldu du, haien nahia "hasieratik" zela txosna Oxirondoko jaigunean jartzea, "baina Udalak aukera hori ukatu digu". Gehitu dute, beste aukerarik ez diela proposatu Udalak, ezta baimenik eman herriko beste bi lekutan –Irala kalean eta Munibe plazan– txosna jartzeko: "Duela hilabete sartu genuen azken eskaera eta jaiak hasteko 10 egunen faltan jaso dugu ezezkoa".
"Udalaren esanetan, Munibe plaza ez da txosna jartzeko eremu egokia arrazoi teknikoak direla eta", diote Mugimendu Sozilistatik. Horren aurrean gaineratu dute San Martin Jaietan edo aurtengo Erramu-zapatuan txosna jartzeko eta jaietarako "espazio egokia" izan dela Munibe plaza: "Muniben txosna bat jartzeak plazako obretan ez du eraginik".
Salatu dute "EH Bilduk ez duela nahi Mugimendu Sozialistak txosnarik izatea. Interes publikoaren izenean, modu arbitrario batean espazio publikoen erabilera ukatu digu". Udalari dei egin diote debekua kentzera eta "denontzat izango den txosnagune batik oztoporik ez jartzera".
Bergarako Udalak azaldu du, "momentuz", ez duela adierazpenik egingo gaiari buruz.