Napar Feria egin dute Bergaran

Hogeita zazpigarrenez egin dute Napar Feria Bergarako San Antonio auzoan. Besteak beste, askotariko produktuak erosteko postuak, Bergarako Erraldoiak eta Kilikiak, musika emanaldia eta txosna egon dira. Era berean, hainbat elkarte gastronomikotako kideek patatak saiheskiarekin prestatu dituzte, eta, orain arte bezala, Napar Bideak elikagai tradizionalen kooperatibako produktuak saldu dituzte postuetan.