Emakumeak trail mundura gerturatzeko behar batetik sortutako korrika saioak dira horiek, eta bigarren urtez egiten dihardute. San Silbestre Trail hartu dute aitzakia moduan, baina, egun horretako zirkuituaz harago, bestelako ibilbide eta paraje batzuk ezagutuko dituzte parte-hartzaileek.
Hilaren 26an egingo dute bigarren entrenamendu saioa, Palmondotik abiatuta. Batzuk berriak dira, eta beste batzuk errepikatzaileak. Azken horietako batzuk egin zuten iazko San Silvestre Trail.
Hamargarrena
Aurtengoa hamargarren San Silvestrea izango da. Azken urteetako ibilbide berdinean 7,4 kilometroko proba egin beharko dute, banaka edo bikote mistoka.
Azaroaren 1ean zabalduko da San Silvestre Trailerako izen-ematea, Herrikrosa.eus atarian.
