Okinaren jaiotzaren mendeurrenaren barruan antolatutako ekitaldia, Zurian beltz du izenburu erakusketak eta antolatzaileen irizpide nagusia izan da, salbuespenak salbuespen, gaur egun bizirik dauden bergararrak izatea koadroetako protagonistak.
Apirilaren 13ra arte zabalik egongo den erakusketaz gain, irailaren 20an Miguel Angel Elkoberezibarrek egindako Miguel Okinaren liburu biografikoa aurkeztuko dute eta urriaren 3tik 26ra egingo duten erakusketa antologikoarekin amaituko dira Okinaren jaiotzaren mendeurrena ospatzeko ekitaldiak.
