Sailkapeneko hirugarren postuan dira bergararrak

Ligako hamabigarren jardunaldia jokatu zuten pasa den zapatuan, hilaren 18an, eta bergararrek garaipena eskuratu zuten, Agorrosinen. Urola izan zuten aurkari, eta 1-0 irabazi zuten. Gaur-gaurkoz, 26 puntu dituzte, eta hirugarren postuan dira Gizonezkoen Ohorezko Erregional mailan. Gertu dituzte aretxabaletarrak ere, lider baitaude; lehen hiru postuetan daude, beraz, bailarako bi talde. Are gehiago, bi horien arteko derbia izango da domekan, hilaren 26an.