Uste dute ez direla sententzia isolatuak, baizik eta botere judizialetik hizkuntza politika aurrerakoiak mugatzeko eta herritarren hizkuntza eskubideak murrizteko joera gorakorra dagoela; oldarraldia bat, alegia. Diote sententzia horietan guztietan badagoela elementu komun bat: gazteleraren nagusitasuna ezartzea herritarren hizkuntza eskubideen gainetik eta, beraz, oinarrizko eskubideen kaltetan. Horregatik, diote, euskalgintzaz haragoko herritarrek ere batu nahi dituzte Bilbon.
Deialdiak herriz herri egingo dira
Tokian toki egingo dituzte deialdiak, eta Bergarako kasuan autobusa antolatu dute azaroaren 4an Ibargairaiko geltokitik irtengo dena 15:15ean. Buelta arratsaldeko zazpietan izango da. Autobuserako izena eman daiteke Ganbara eta Pol-Pol tabernetan edo Jardun euskara elkartearen bidez. Ikasle eta langabetuek bost euro ordaindu beharko dute eta gainontzekoek hamar euro.