Behetik gora eginda, finalera iritsi da Burdinola, baina ez du garaipena eskuratu

Amaia Ramirez de Okariz Kortabarria 2023ko eka. 6a, 10:23

Hockeyko Espainiako Txapelketa jokatu zen pasa den asteburuan Labegaraietan, infantil mailan kategoria mistoan. Egubakoitzean hasi zuen txapelketa Burdinolak, eta galdu egin zuen lehen partida; alabaina, goranzko bidea egin, eta finalera iritsi zen. Vila Realen aurkako azken partiduan, ordea, 5-4 galdu zuen, eta, beraz, ezin izan zuen garaipena eskuratu. Agustin Oyanguren Burdinolako entrenatzaileak, ordea, adierazi du "sekulako partidua" jokatu zutela.