Xabier Amuriza: "Sari hau leku jakinean eta agerian utziko dut"

Eneko Azurmendi Barrena 2023ko mar. 16a, 20:33

Olaso Dorrea Fundazioak eta Bergarako Udalak duela hilabete iragarri moduan, Xabier Amurizak jaso du hirugarren Monzon-Ganuza Saria, Seminarixoan egin duten ekitaldian. "Hunkituta eta pozik" azaldu da eta aitortu du ez duela etxeko edozein tokitan utziko saria.

Ekitaldi motza baina betea izan da Miren Arregi kazetariak aurkeztu duena. Amurizak bertsogintzaren ibilbidean eginiko urratsak omendu dituzte. Hala, Bergarako Kopla Barik bertso-eskolako Unai Arantzabal, Enaitz Alustiza eta Gari Lopez de Muniainek bertsotan egin dute, baita Maialen Lujanbiok ere, gaur egungo Euskal Herriko bertsolari txapeldunak.

Gero, Gorka Artola Bergarako alkateak eta Olaso Dorrea Fundazioko lehendakari Iratxe Esnaolak ere hartu dute berba eta, haien hitzartzea bukatzean, Amurizari oholtza gainera igotzeko eskatu diote. Hark, hunkituta, saria jaso izana eskertu die guztiei eta "pozik" hartu duela aitortu du: "Nola ez dut ba onartuko? Sari ederra da". Ondoren, poema bat eta hainbat kopla abestu ditu.

Sorpresa moduan, Korrontzi taldeko Agus Barandiaran ere Seminarixoan izan da eta biek elkarrekin egin dute kantuan. Azkenik, talde argazki bat atera eta Euskal Herrian Euskaraz abestuta borobildu dute ekitaldia.

Erlazionatuak

Monzon-Ganuza Sariaren ekitaldia, argazkitan

Eneko Azurmendi Barrena 2023 mar 16 Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak