Urtarrilaren 17an hasi ziren makinak lanean Bergarako Zubieta kalean, Zubieta eta Masterreka kaleak berriro urbanizatzeko proiektuaren barruan. Irisgarritasuna hobetzea da helburu nagusia eta GOIENArekin egon diren bizilagunen arabera, lanak "martxa onean" doaz. Dena ondo bidean, Zubieta eta Masterreka kaleak 2023ko udarako egongo lirateke eraberrituta.
18 hilabeteko exekuzio-epea aurreikusten da guztira, eta Bergarako Udalaren hiru urtetako inbertsio gaitasuna baldintzatuko du, bi milioi euro pasatxo aurrekontuarekin. Obraren helburu nagusia da ardatz osoan irisgarritasuna hobetzea eta horretarako, besteak beste, espaloien zabalera metro eta erdikoa izatea lortu nahi dute kale osoan muga tekniko handiak egonda ere. Errepidea estuagoa egingo dute baina bi norabidekoa izan beharko da etorkizunean ere, Deba bailara Elosua eta Azkoitiarekin lotzen dituen errepidea ere badelako.
Dimentsio handiko obra izanik atzerapenen bat egon badaiteke ere, dena ondo bidean 2023ko udarako eraberrituta egongo litzateke ardatz osoa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
