Urtarrilaren 17an hasiko dira Zubieta kalea berritzeko lanak

Jokin Bereziartua Lizarazu 2022ko urt. 11a, 17:27

Bergaran aspaldian gauzatu den hirigintza obrarik esanguratsuenerako lanak datorren astelehenean, hilak 17, hasiko dira. Zubieta eta Masterreka kaleak berriro urbanizatzeko proiektua da, 18 hilabeteko exekuzio-epea aurreikusten duena. Udalaren hiru urtetako inbertsio gaitasuna baldintzatuko du, 2.350.000 euro inguruko aurrekontua du-eta.

Lanek hiru fase izango dituzte eta aurreikusten da fase bakoitzak sei hilabete irautea.

Lehen faseko lanek zubiko zebrabidetik –Zubieta, 36– Igartua bizikleta dendaren –Zubieta, 5– hasierara arteko tartea hartuko dute.

Zubieta kaleko bosgarren ataritik 36. atarira arteko tartea berrituko dute lehen fasean; bigarren fasean, 36. ataritik 31. atarira arteko tartea; eta hirugarren fasean azkenik, Masterreka kale osoa eta Bideberriko bidegurutzea berrituko dituzte. Lehen faseko lanek iraun artean errepidea itxita egongo da zubira pasatzeko pasabidetik eta oinezkoak alboetatik bideratuko dira; obrek aurrera egin ahala oinezkoen joan-etorriak egokitzen joango dira.

Udalaren, enpresa eraikitzailearen –Construcciones Zubieder– eta obraren zuzendaritzaz arduratuko den enpresaren kezka nagusia da obrak egunerokoan sortuko dituen kalteak arintzen saiatzea.

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak